काठमाडौं : प्रमुख प्रतिपक्षी दल नेपाली कांग्रेसका महामन्त्री एवम् प्रतिनिधि सभा सदस्य विश्वप्रकाश शर्माले क्रिकेटर सन्दीप लामिछानेको भिसाका लागि सरकारले उचित पहल नगरेको बताएका छन् ।
बिहीबार प्रतिनिधि सभा बैठकमा विशेष समय लिएर बोल्दै शर्माले क्रिकेट टोलीलाई शुभकामना दिँदै सन्दीपको भिसाका लागि सरकारले उचित पहल नगरेको बताएका हुन् ।
आफ्नो खेलाडीको बारेमा अदालतको फैसला सुसूचीत गरेर भिसाका लागि वातावरण बनाउन सरकारले उचित पहल नगरेको बताए ।
शर्माले अदालतले निर्दोष सावित गरेपछि यतिबेला सन्दीप विश्वकपको मैदानमा खेलिरहेको हुनुपर्ने बताए ।
उनले भने, 'यसमा कमजोरी कहाँ रह्यो ? किन कमजोरी भयो ? खेलकुदमन्त्री, परराष्ट्रमन्त्री र समग्र सरकारको यसबारेमा ध्यानाकर्षण गराउन चाहन्छु ।’
सन्दीपलाई अमेरिकाले दुई पटक अन्तर्वार्ता लिए पनि भिसा दिन अस्वीकार गरेको थियो ।
.JPG)
