
रुकुम पश्चिम : रुकुम पश्चिमको सानीभेरी गाउँपालिकाको प्रमुख प्रशासकीय अधिकृतको जिम्मेवारी नरवीर खड्काले पाएका छन् ।
निवर्तमान प्रमुख प्रशासकीय अधिकृत दीपक बुढाथोकी तीन वर्षे कार्यकाल सकाएर छत्रेश्वरी गाउँपालिका सल्यान सरुवा भएपछि खड्काले जिम्मेवारी पाएका हुन् ।
उनलाई सामान्य प्रशासन मन्त्रालयले सानीभेरी गाउँपालिकाको प्रमुख प्रशासकीय अधिकृतको जिम्मेवारीमा खटाएको हो ।
सोही गाउँपालिका–१० चिन्तु निवासी खड्काले यसअघि जिल्लाको मुसिकोट नगरपालिकामा समेत निमित्त प्रमुख प्रशासकीय अधिकृत भई काम गरेको अनुभव छ ।