धनगढी : उपचाररत विरामीकोको मृत्यु भएपछि कैलालीको धनगढीस्थित नोभा हस्पिटलमा तनाव सिर्जना भएको छ । साउन ७ गते अस्पताल भर्ना भएका कञ्चनपुरको बेलौरी-२ का १७ वर्षीय नसिभ चौधरीको शुक्रबार मृत्यु भएपछि तनाव सिर्जना भएको हो ।
मृतकका आफन्तले अस्पतालको लापरबाहीले युवकको मृत्यु भएको भन्दै विरोध सिर्जना गरेका थिए । सामान्य जन्डिस भएर उपचार गराउन भर्ना भएका चौधरीको मृत्यु लापरवाहीले भएको भन्दै आफन्तहरूले अस्पताल तोडफोडसमेत गरेका छन् ।
अस्पतालमा तनाव सिर्जना भएपछि सुरक्षा बढाइएको छ । स्थिति उग्र बनेपछि प्रहरीले ४ सेल अश्रुग्याँससमेत प्रहार गरेको छ । आफन्तले हालसम्म मृतकको शव बुझ्न मानेका छैनन् ।
