काठमाडौं : अष्ट्रेलिया निवासी नेपाली लेखक खेम शर्माले आफ्नो पुस्तकको सबै रकम समाजसेवामा खर्च गर्ने बताएका छन् । उनले आइतबार उपराष्ट्रपति भवनमा आयोजित कार्यक्रममा उक्त कुरा बताएका हुन् ।
उनले आफू संयोगबस लेखक भएको भन्दै आफ्नो पुस्तकबाट प्रेरित भएर समाजसेवा गर्न सजिलो बनाउने वेबसाइटसमेत तयार भएकोमा खुशी व्यक्त गरे ।
उपराष्ट्रपति नन्दबहादुर पुनले चैत ६ गते उक्त वेबसाइटको सुभारम्भ गरेका थिए । समाजसेवामा पारदर्शिता मुख्य चुनौती भएका बेला स्वर्णिम युग फाउन्डेसनले निर्माण गरेको यो वेबसाइटमार्फत पारदर्शीरुपमा समाज सेवा गर्न सकिने कार्यक्रममा जानकारी गराइयो ।
उपराष्ट्रपति पुनले फाउन्डेसनको स्थापना गर्न प्रेरक भएको पुस्तक ‘स्वर्णिम रहस्य’को पनि विमोचन गरे । अनुशासित जीवन शैली अपनाउन प्रेरित गर्ने पुस्तक सबैले अध्ययन गर्न पनि उनले आग्रह गरे ।
उक्त समारोहमा बोल्दै शिक्षा तथा विज्ञान प्रविधि राज्यमन्त्री बोधमाया यादवले फाउन्डेसनले सामाजिक सेवामा नयाँ चरणको सुरुवात गरेको बताइन् । कर्णाली स्वास्थ्य विज्ञान प्रतिष्ठानका उपकुलपति डा. मंगल रावलले आफू यो फाउन्डेसनको हरेक गतिविधिमा सहभागी हुने प्रतिबद्धता व्यक्त गरे ।
गैर आवासीय नेपाली अभियन्ताहरू डा. उपेन्द्र महतो, डा. शेष घले, भवन भट्ट, धर्मराज अधिकारी, विजय पोखरेल, समिम अनबर, बद्री बरुवाललगायतले पनि यो अभियानमा आफ्नो एक्यवद्दता रहेको बताए । पत्रकार मनऋषि धितालको अध्यक्षतामा पुस्तक विमोचन र फाउन्डेसन शुभारम्भ कार्यक्रम सम्पन्न भएको हो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies