पोखरा : पोखरामा भएको एलपी देवकोटा मेमोरियल विद्यालयको बस दुर्घटनामा परी एक जनाको मृत्यु भएको छ । मृत्यु हुनेमा विद्यालयकी कार्यालय सहयोगी आरती विक रहेको प्रहरीले जनाएको छ ।
आज पोखरा-२१ कृस्तीमा एलपी देवकोटा मेमोरियल विद्यालयको बस विद्यार्थीसहित दुर्घटनामा परेको थियो ।
पोखरा २१ स्थित मट्टिखान जाने सडकको थुन्कु भन्ने ठाउँमा दुर्घटनामा हुँदा चालक, सहचालक र विद्यार्थीसहित ३० जना घाइते भएका थिए ।
घाइतेहरूको गण्डकी मेडिकल कलेज, मणिपाल शिक्षण अस्पताल र पश्चिमाञ्चल क्षेत्रीय अस्पतालमा उपचार भइरहेको छ ।
विभिन्न अस्पतालमा उपचार भइरहेका कारण बसमा कतिजना सवार थिए भन्ने अझ यकिन भइनसकेको जिल्ला प्रहरी कार्यालय कास्कीले जनाएको छ ।
