काठमाडौं : कीर्तिमानी डा. डीआर उपाध्यायले पचास वटा भाषाकाे एउटै गीति एल्बम "मन माेहिनी" सार्वजनिक गरेका छन् ।
कीर्तिमानी गीतकार उपाध्यायले विभिन्न ५० देशको भाषा रहेको आधुनिक गीति एल्बम ‘मन मोहिनी’ राजधानीमा बुधबार एक कार्यक्रमकाबीच प्रमुख अतिथि विश्व भाषा क्याम्पसका प्राध्यापक रमेश श्रेष्ठ, संगीतकार सूर्य दयालु, सन्तोष श्रेष्ठ, सागर अधिकारी ‘शरद’लगायतले एल्बमको विमोचन गरेका हुन् ।
कीर्तिमानी उपाध्यायले हिन्दीमा स्वर दिएका छन् भने संगीतकार सन्तोष श्रेष्ठले नेपाली भाषामा र अन्यमा प्रकाश तिमल्सिनाकाे स्वर रहेको छ । गीतमा सन्तोष श्रेष्ठकाे संगीत रहेकाे छ ।
गीत विश्वका पचास भाषा नेपाली, हिन्दी, जापानी, चिनिया, अङ्ग्रेजी, रुसी, कोरियाली, फ्रान्सेली, स्पेनी, इटालियन, जर्मन, थाई, मौरिसियन, उर्दु, स्वेडिस, क्रोसियन, हिब्रु, पोर्तुगाली, बंगाली, संस्कृत, स्टोनियन, भियतनामी, डच, सिंहाली, स्लोभेनियन, इन्डोनेसियन, रुमानी, फिनिस, पेरुभियन, टर्किस, ग्रिक, फिलिपिनो, अल्बानियन, युक्रेनियन, अफ्रिकी, स्लोभाकिया, सर्बियाली, पानामियन, नर्वेजियन, आइसल्यण्डीक, बर्मेली, कोल्म्बीयन, कुर्डिस, स्वाहिली, पोलिस, बोलिभियन, हङ्गेरियन, डेनिस, लात्भियन र आर्मेनियन रहेको छ ।
यस्तै प्रमुख अतिथि तथा विश्वभाषा क्याम्पसका प्राध्यापक रमेश श्रेष्ठले भाषागत रुपमा गीतमा रहेको भाषाको स्वर र संगीत राम्रो रहेको टिप्पणी गरे ।
संगीतकार सन्तोष श्रेष्ठले यसअघि विभिन्न १२ देशका भाषामा गीत गरेकोमा फेरि पचास भाषामा गीत सार्वजनिक गर्न पाउँदा निकै हर्षित भएको बताए । उनले डा. उपाध्यायले हेरक पल्ट नयाँ र फरक कार्य गर्न खोज्ने क्रममा यसको जन्म भएको बताउँदै डा. उपाध्यायले आफूले आफ्ना लागि मात्र नभएर आफ्नो समाज र देशलाई चिनाउनका लागि फरक कार्य गर्दै आएको दाबी गरे ।
समारोहमा सञ्चारकर्मीहरू र गीत संगीतका विभिन्न व्यक्तिहरूको उपस्थिति रहेको थियो ।
गीतसंगीत तथा साहित्य सिर्जनाबाट थुप्रै विश्व रेकर्ड कायम गरेका डा. उपाध्याय पहिलो कीर्तिमानी नेपाली सर्जक हुन् ।
यसअघि गीत संगीत र विभिन्न विधामा गिनिजबुक रेकर्डसहित ८० विश्व रेकर्ड कायम गरेका उपाध्यायले यही चैत १८ गते थप विश्व कीर्तिमान र आठ गीति एल्बम सार्वजनिक गर्ने जनाएकाे छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies