.png)
काठमाडौं : भेनेजुएलाकी उपराष्ट्रपति डेल्सी रोड्रिग्जले राष्ट्रपति निकोलस मादुरोको अवस्था अज्ञात रहेको बताएकी छन् । अमेरिकी राष्ट्रपति डोनाल्ड ट्रम्पले मादुरोलाई पत्नीका साथ पक्राउ गरी देशबाहिर लगिएको दाबी गरेपछि उनले यस्तो प्रतिक्रिया दिएकी हुन् ।
रोड्रिग्जका अनुसार सरकारसँग राष्ट्रपति मादुरो र फर्स्ट लेडी सीलिया फ्लोरेसबारे कुनै आधिकारिक जानकारी छैन । बीबीसीका अनुसार उनले मादुरो जीवित रहेको प्रमाण मागेकी छन् ।
यसअघि ट्रम्पले ट्रुथ सोशलमार्फत अमेरिकाले भेनेजुएलामाथि ठूलो आक्रमण गरी मादुरोलाई पक्राउ गरेको दाबी गरेका थिए । कारकासमा आक्रमणपछि मादुरोले राष्ट्रिय संकटकाल घोषणा गर्दै अमेरिकी सैन्य हस्तक्षेपको निन्दा गरेका थिए ।
.jpg)
