काठमाडौं : नेपाली कांग्रेस सभापति शेरबहादुर देउवासँग नेताद्वय डा.शेखर कोइराला र डा. मिनेन्द्र रिजालले भेट गरेका छन् ।
भेटका क्रममा आफूहरूसँग देउवाले कुनै राय नदिएको रिजालको भनाइ छ । पार्टी विवादबारे विस्तृत छलफल भइरहेको छ, अहिले नै कुनै औपचारिक धारणा तय नभएको देउवाको भनाइ उद्धृत गर्दै रिजालले बताए ।
उनले भने, ‘पार्टी सभापतिज्यूसँग हामीले आफ्ना सबै कुरा राखेका छौं, उहाँबाट कुनै राय आएको छैन । उहाँसँग पुनः भेटवार्ता गर्ने नै छौं, त्यसपछि केही भन्न सक्ने अवस्था बन्नसक्छ । तत्काल यहीँ भन्नसक्ने अवस्थामा छैनौं ।’
कांग्रेसभित्र विशेष महाधिवेशनलाई लिएर संस्थापन र इतर समूहबीचको विवाद सतहमा आएको छ । उक्त विवाद समाधानका लागि नेताहरू दौडधुप गरिरहेका छन् ।
बिहीबार देउवा, कोइराला र रिजालबीच भेटवार्ता भएको छ ।
.jpg)
.png)
