दोहा, कतार : करिब १० वर्ष पहिले विद्यार्थी भिसामा जापान पुगेका म्याग्दी बिम देउरालीका सुरेन्द्र सुनार नयाँ गीत 'बबाल माया बबाल' लिएर आएका छन् । 'जान्न जान्न म त पोखरा बाटैमा' गीत बजारमा लिएर सांगीतिक क्षेत्रमा प्रवेश गरेका उनी हाल जापानमा आफ्नै व्यवसाय समेत सञ्चालन गर्दै आइरहेका छ ।
केही समय पहिले जापानबाट नेपाल आएका बेला गीत तयार पारेर फर्किएका सुनारको गीत आफ्नै स्वर र संगीतिमा रहेको छ । पछिल्लो समयकी चर्चित गायिका शान्ति श्री परियार सहित सोनु खनालको समेत आवाज रहेको छ भने शब्द कुशल विश्वकर्माले लेखेका हुन् । सोमबार सुरेन्द्र सुनार युट्युबबाट सार्वजनिक भएको गीतले माया प्रेमको कथा बोलेको छ । चर्चित नायिका केकी अधिकारी र सुनिल क्षेत्रीको शीर्ष भूमिका रहेको म्युजिक भिडियोको निर्देशन क्षेत्रीले गरेका हुन् ।
नवराज उप्रेतीले खिचेको भिडियोलाई अमृत चापागाईंले सम्पादन गरेका हुन् । सुनारले आफ्ना पुराना सिर्जनालाई जस्तै नयाँ सिर्जनालाई पनि दर्शकले मन पराउने विश्वास व्यक्त गरे । सानै उमेरमा बाबालाई गुमाएका उनका २ बहिनी र आमा मात्र छन् । सुनारका काठमाडौं हल्ली खल्ली मेलम्चीको पानी, खोली जति थुनेनी, खोज्दै खोज्दै आको छु आजसम्मलगायतका गीत चर्चामा रहेका छन् ।
