काठमाडौंः नेपाल धितोपत्र बोर्डले ‘शेयर कारोबार निर्देशिका २०७९’ को ड्राफ्ट तयार गरेको छ । तयारी गरिएको नयाँ निर्देशिकाअनुसार अब मर्जर तथा एक्विजिसनमा जाने कम्पनीको शेयर कारोबार १५ दिनमात्रै रोक्का हुने छ ।
‘एकीकृत व्यवसायिक कारोबार गर्ने मितिबाट गाभ्ने संस्था वा प्राप्ति गर्ने संस्था र गाभिने संस्था वा लक्षित संस्थाको शेयर मिलान, धितोपत्र पुनः दर्ता, धितोपत्रको अभौतिकिकरण तथा सूचिकरण लगायतका कार्यका लागि बढीमा १५ कार्य दिन शेयर कारोबार रोक्का राख्नुपर्नेछ,’ निर्देशिकाको मस्यौदामा भनिएको छ ।
तर, प्रारम्भिक समझदारी भए पश्चात धितोपत्र बजारले गाभ्ने÷गाभिने वा लक्षित संगठित संस्थाका आधारभूत शेयरधनीको कारोबार मर्जर सम्झौता भएपछि मात्रै रोक्का हुनेछ । यस्तै, बोर्डबाट गाभ्ने/गाभिने वा प्राप्तिका लागि स्वीकृति प्राप्त गरेका संस्थाले प्रचलित कम्पनी सम्बन्धी कानून बमोजिम एकीकृत व्यवसायिक कारोबारको स्वीकृति प्राप्त गरेपश्चात् सो को जानकारी सहित एकीकृत व्यवसायिक कारोबार गर्ने मितिको जानकारी बोर्ड, धितोपत्र बजार तथा केन्द्रीय निक्षेप कम्पनीलाई दिनु पर्ने व्यवस्था बोर्डले तयार गरेको नयाँ निर्देशिकाको ड्राफ्टमा छ । नयाँ व्यवस्थाअनुसार मर्जरपछि प्राप्ति गर्ने कम्पनीको नाम परिवर्तन नभएमा शेयर कारोबार रोक्का नहुने व्यवस्था बोर्डले गरेको छ ।
बोर्डले गर्न लागेको नयाँ व्यवस्थाअनुसार अब मर्जर तथा एक्विजिसनमा जाने कम्पनीले ६ महिनाभित्र एकिकृत कारोबार गर्नु पर्ने छ । ‘संगठित सस्थाको गाभ्नेरगाभिने वा प्राप्ति कार्य प्रारम्भिक सम्झौता भएको छ महिनाभित्र सम्पन्न गरि सक्नुपर्नेछ,’ मस्यौदामा लेखिएको छ । लगानीकर्ताको सल्लाह सुझावपछि यसले अन्तिम रुप लिनेछ ।
अब मर्जर तथा एक्विजिशनमा जाने संस्थाले प्रारम्भिक समझदारी नभएसम्म गाभ्ने गाभिने वा प्राप्ति सम्बन्धमा कुनै पनि सूचना सार्वजनिक गर्न नपाउने भएका छन् । साथै, सो सम्बन्धमा कुनै पनि सूचना सार्वजनिक नगर्ने सम्बन्धमा संगठित संस्थाका संचालक, कर्मचारी तथा अन्य सम्बन्धित पक्षले संगठित संस्थाको कम्पनी सचिवसमक्ष लिखित प्रतिवद्धता पेश गर्नुपर्ने छ । लगानीकर्ताको सल्लाह सुझावपछि यसले अन्तिम रुप लिनेछ । बोर्डले सुझावको समय सात दिन तोकेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies