काठमाडौँ : नुवाकोटमा भएको एयर डाइनेस्टीको ९एन-एजेडी हेलिकप्टर दुर्घटनामा चार चिनियाँ पर्यटकसहित क्याप्टेनको शव फेला परेको छ । नुवाकोटको शिवपुरी-७ सूर्यचौर डाँडामा हेलिकप्टर ठोक्किएर दुर्घटना भएको थियो ।
मृत्यु हुनेमा चिनियाँ पर्यटक जुदाड टाङ, जी लि, यियाद वु र जेमिङ सीसहित क्याप्टेन अरुण मल्ल रहेका छन् ।
त्रिभुवन विमानस्थल स्रोतका अनुसार हेलिकप्टर १ बजेर ५४ मिनेटमा काठमाडौंबाट उडेको थियो । हेलिकप्टरमा ४ जना विदेशी र एक जना क्याप्टेन गरी ५ जना सवार रहेका थिए ।
हेलिकप्टर दुर्घटना भएको स्थानमा नेपाली सेनाको हेलिकप्टर पुगिसकेको छ ।
