काठमाडौँ : सिन्धुलीमा जिप दुर्घटना हुँदा तीन जनाको मृत्यु भएको छ । ११ जना घाइते भएका छन् ।
दुर्घटनामा गोलन्जोर गाउँपालिका-६ का उदय मर्साङ्गी मगर र पृथ्वी भुजेल र पवन मर्साङ्गीको मृत्यु भएको छ ।
बिहीबार गोलन्जोर-६ हैवार-नाकाजोलीबाट सिन्धुलीमाढीतर्फ आउँदै गरेको बोलेरो चियाबारीमा दुर्घटना भएको हो ।
बा.२०च ८२८३ नम्बरको बोलेरो दुर्घटना भएको प्रहरीले बताएको छ । घाइतेलाई सिन्धुली अस्पतालमा प्राथमिक उपचार गरी थप उपचारका लागि काठमाडौँ रेफर गरिएको छ ।
गोलन्जोर गाउँपालिकाबाट सिन्धुलीमाढी तरकारी लिएर आउँदै गरेको डबल क्याप बोलेरो दुर्घटनामा परेको प्रहरीले बताएको छ ।
