दुबई, युएई : संयुक्त अरब इमिरेट्स (युएई)को दुबईस्थित नेपाली महावाणिज्यदूत हरिप्रसाद ओडारीले सेप्टेम्बर २४ शुक्रबारबाट नवीकरणका लागि आवेदन दिएका सेवाग्राहीलाई हुलाकमार्फत राहदानी डेलिभरीको सुविधा उपलब्ध गराइने बताएका छन् ।
महावाणिज्यदूत ओडारीका अनुसार सेप्टेम्बर २४ अघि राहदानी नवीकरणका लागि आवेदन दिएका सेवाग्राहीले भने यो सुविधा पाउने छैनन् ।
महावाणिज्यदूत ओडारीले राहदानी आवश्यक परेका नेपालीलाई सेवा दिन उच्चतम प्रयास गरिएको मध्यान्हलाई बताए । उनले दुबईमा नेपाली श्रमिक र अन्य पेशा व्यवसाय गर्ने नेपालीको संख्या दैनिक रूपमा बढेको, तर महावाणिज्यदूतावासमा कार्यरत जनशक्तिको संख्या सानो रहेको भएपनि यहाँ रहेका नेपालीलाई झन्झट र हैरानी नहोस् भन्ने सेवाभावका साथ काम गरिरहेको पनि बताए ।
राहदानी डेलिभरीको सुविधाले श्रमिकहरूलाई ट्राभल खर्च बच्ने, राहदानी लिनकै लागि कार्यक्षेत्रबाट बिदा लिनुनपर्ने जस्ता फाइदा पुग्ने महावाणिज्यदूत ओडारीले दाबी गरे ।
.jpg)
