काठमाडौं : क्रियाशील पत्रकारहरूको साझा मोर्चाको तर्फबाट नेपाल पत्रकार महासंघका अध्यक्ष विपुल पोखरेललाई निर्वाचन गराउन दबाब दिँदै एक ज्ञापनपत्र बुझाएको छ । योगेन्द्रप्रताप शाहीको नेतृत्वमा गएको टोलीले पत्रकार महासंघका अध्यक्ष पोखरेललाई सो ज्ञापन पत्र बुझाएको हो । टोलिमा मोर्चाका प्रबिण कुमार चौधरी, दामोदर प्रसाद दवाडी, दवि प्रसाद साप्कोटा, योगेश खापaङी लगायत को सहभागिता रहेको थियो ।
निर्वाचन प्रक्रिया पूरा नगराए केन्द्रीय समितिलाई सामूहिक राजीनामा दिन समेत सो ज्ञापनपत्रमा भनिएको छ । अन्यथा आन्दोलन गर्ने चेतावनी पनि दीएको छ ।साथै मोर्चाले पत्रकार महासंघले सुर्खेत साधारण सभादेखि हालसम्म भइआएका सदस्यता नवीकरण र नयाँ सदस्यता वितरण तथा सम्पन्न महाधिवेशनसम्बन्धी भएका निर्णयहरूको माइन्युट उतारको प्रतिलिपि पनि माग गरेको छ ।
महासंघबाट माग गरिएका विषयमा मोर्चाले प्रधानमन्त्री कार्यालय, गृहमन्त्रालय, सूचना तथा सञ्चार मन्त्रालय, जिल्ला प्रशासन कार्यालय, राष्ट्रिय सूचना आयोग र सूचनाको हक महासंघ समेतलाई बोद्धार्थ जानकारी गराइएको छ ।
