ललितपुर : सुनाकोठी क्षेत्रको विकास तथा ललितपुरलाई नै साँस्कृतिक एवं धार्मिक र पर्यटकीय स्थलका रुपमा विश्वसामु परिचित गराउने उद्देश्यले स्थापना गरिएको सम्भवत विश्वकै सबैभन्दा अग्लो आराध्यदेव भिंद्यो अर्थात भीमसेनको सातौं स्थापना दिवस तथा भिं द्यो पूजा भदौ ११ गते मंगलबार हुने भएको छ ।
सुनाकोठी समाजले वार्षिक रुपमा आयोजना गर्दै आएको भीमसेन जात्रालाई भविष्यमा पनि निरन्तरता दिइने आयोजक सुनाकोठी समाजका बिनोद डङ्गोलले बताए ।
डंगोलले मच्छेगाउँको एउटा खोंचबाट ल्याइएको ६० टनको सिङ्गो ढुङ्गाबाट धेरै मेहनतपछि भीमसेनको मूर्ति बनाउन सफल भएको जानकारी गराए ।
सुनाकोठीमा भब्य तामझामका साथ सातौंं वार्षिक उत्सव मनाउने तयारी अन्तिम चरणमा रहेको आयोजक समितिका सदस्य तथा गायक रुपेश डंगोलले जानकारी दिए ।