सोलुखुम्बुः सोलुखुम्बुमा अत्याधिक रक्तश्रावका कारण सुत्केरीको मृत्यु भएको छ । सोताङ गाउँपालिका–५ की ३० वर्षीया गंगा बस्नेतको अत्याधिक रक्तश्रावका कारण मृत्यु भएको जिल्ला अस्पताल फाप्लुले जनाएको छ ।
अस्पतालका अनुसार सोताङ प्राथमिक अस्पतालमा अप्रेशनमार्फत् छोरालाई जन्म दिएकी बस्नेतको रक्तश्राव नरोकिएपछि राति नै जिल्ला अस्पताल फाप्लु ल्याइँदै गर्दा बाटैमा मृत्यु भएको हो ।
‘ओ’ नेगेटिभ रगत आवश्यक परेको सुत्केरीलाई सोताङमा उक्त रक्त समूहको रगत नभेटिएपछि जिल्ला अस्पताल फाप्लु रेफर गरेको थियो ।
महाकुलुङ प्राथमिक अस्पतालको एम्बुलेन्समार्फत् राति नै सोताङबाट फाप्लु ल्याउँदै गर्दा बस्नेतको रक्तश्राव नरोकिए पछि बाटैमा मृत्यु भएको अस्पतालका निमित्त प्रमुख सानी शेर्पाले जानकारी दिइन् । पारिवारिक श्रोतकाअनुसार शिशुको अवस्था भने अहिले सामन्य रहेको छ ।
 9 chait 2079-Nepali_001.jpg)
