काठमाडौंः अख्तियार दुरुपयोग अनुसन्धान आयोगले मालपोत कार्यालय पर्साका प्रमुखसहित ६ जनाविरुद्ध भ्रष्टाचार मुद्दा दायर गरेको छ ।
युवा स्पोट्र्स क्लबको जग्गा व्यक्तिको नाममा गरेको अभियोगमा भूमिसुधार तथा मालपोत कार्यालय पर्साका प्रमुख कमोद तिवारी, तत्कालीन नायब सुब्बा शम्भु साह रौनियार, तत्कालीन खरिदार शिवप्रसाद साह तेली, रिन्ता कुमारी र वीरगञ्ज ३१ का खेख सफी अहमदसहित ६ जनाविरुद्ध मुद्दा दायर गरिएको अख्तियारका प्रवक्त श्यामप्रसाद भण्डारीले जानकारी दिए ।
उनकाअनुसार उनीहरुले स्पोट्र्स क्लबको नाममा रहेको साविकको बेल्वा गाविस ८ मा रहेको १ रोपनी ५ आना जग्गा शेष सफी अहमदको नाममा गराएका थिए ।
यसका लागि फिल्ड प्रतिवेदन, निर्णयको टिप्पणीसमेत पेश गरेर निर्णय गराएका अख्तियारको दाबी छ । उनीहरुले आफ्नो गलत निर्णय ढाकछोप गर्नका लागि मोठसमेत च्यातेको दाबी गर्दै अख्तियारले विशेष अदालत काठमाडौंमा मुद्दा दायर गरेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies