काठमाडौँ : ललितपुरको हरिसिद्धीस्थित क्यान्सर अस्पतालको भवनबाट हाम फालेकी एक महिलाको उपचारको क्रममा मृत्यु भएको छ ।
अस्पतालमा थाइराइडको क्यान्सर उपचार गराइरहेकी काठमाडौँ महानगरपालिका वडा नम्बर ८ की ६४ वर्षीया पुनमाया तामाङको मृत्यु भएको हो ।
हामफालेर गम्भीर घाइते भएकी तामाङको पाटन अस्पतालमा उपचारको क्रममा मृत्यु भएको जिल्ला प्रहरी परिसर ललितपुरले जनाएको छ ।
साउन २४ देखि क्यान्सर अस्पतालमा उपचाररत उनी शनिबार अस्पतालको ए ब्लकबाट भुइँमा हाम फालेकी थिइन् ।
