सुर्खेत । सुर्खेतको वीरेन्द्रनगर नगरपालिकाका लेखा अधिकृत हरिबहादुर क्षेत्रीको मृत्यु भएको छ ।
मंगलबार बिहान वीरेन्द्रनगरस्थित बुलबुले उद्यानमा भएको कार्यक्रमकै बिचमा बेहोस भएर ढलेका क्षेत्रीको उपचारका क्रममा मृत्यु भएको हो ।
कर्णाली प्रदेशका मुख्यमन्त्री यामलाल कँडेल सहभागी कार्यक्रम समापन पश्चात् क्षेत्री त्यहीँ नै बेहोस भएका थिए । त्यसपछि तत्काल उपचारका लागि उनलाई कर्णाली प्रदेश अस्पताल सुर्खेत लगिएको थियो । उनको हृदयाघातका कारण मृत्यु भएको प्रदेश अस्पतालले जनाएको छ ।
बुलबुले उद्यानमा डुङ्गा सञ्चालन कार्यक्रमको उद्घाटन थियो । उक्त कार्यक्रमको उद्घोषणसमेत उनले नै गरिरहेका थिए ।
