काठमाडौं : नेपाल दूरसञ्चार प्राधिकरणले सामाजिक सञ्जाल टिकटक प्रयोगमा लगाइएको प्रतिबन्ध हटाउन सम्बन्धित इन्टरनेट सेवा प्रदायक कम्पनीहरुलाई निर्देशन दिएको छ ।
भदौ ६ गतेको मन्त्रिपरिषदको बैठकले टिकटकमाथिको प्रतिबन्ध हटाउने निर्णय गरेको थियो । त्यही निर्णयको कार्यान्वयनका लागि प्राधिकारणले सबै इन्टरनेट सेवा प्रदायकहरु र मोबाइल सेवा प्रदायकहरुलाई निर्देशन जारी गरेको हो ।
६ भदाैमा बसेकाे मन्त्रिपरिषद् बैठकले टिकटकको प्रयोगमा लगाइएको रोक हटाउने निर्णय गरेकाे थियाे । टिकटकले नेपालकाे कानुन मान्ने प्रतिबद्धता जनाएपछि सरकारले प्रतिबन्ध हटाएकाे हाे ।
सामाजिक मर्यादा उल्लंघन भएकाे भन्दै तत्कालीन पुष्पकमल दाहाल प्रचण्ड नेतृत्वकाे सरकारले नेपालमा टिकटक प्रतिबन्ध गरेको थियाे ।
