काठमाडौं : सरकारले २०८१ भित्रै सडक बालबालिका मुक्त बनाउने बताएको छ । प्रधानमन्त्री केपी शर्मा ओलीका अनुसार सडकमा बस्नुपर्ने परिस्थितिबाट बालबालिकालाई यही वर्षभित्र मुक्त गर्ने सरकारको लक्ष्य छ ।
६० औँ बाल दिवसका अवसरमा प्रधानमन्त्री ओलीले सडकमा बस्नुपर्ने परिस्थितिबाट बालबालिकालाई यही वर्षभित्र मुक्त गरिने बताएका हुन् ।
कतिपय बालिबालिका सडक बालबालिकाका रुपमा रहनुपर्ने बाध्यताबाट पिल्सिएका छन् । यस अवस्थाबाट मुक्त गर्नका लागि २०८१ भित्रै बालबालिकालाई सडकमा बस्नुपर्ने परिस्थितिबाट मुक्त गर्ने अठोट प्रधानमन्त्री ओलीले गरेका छन् ।
प्रधानमन्त्री ओलीका अनुसार बालबालिकाका लागि प्रतिकूल अवस्था हटाएर अनुकूल अवस्था सिर्जना गर्न बालमैत्री वातावरण बनाउन सरकार लागिपरेको छ ।
ठूलो संख्यामा बालबालिकाहरु कुपोषणको सिकार भइरहेको र विद्यालय जानबाट वञ्चित रहेको अवस्था छ । यस अवस्थाबाट बालबालिकालाई बाहिर निकाल्नुपर्नेमा सरोकारवालाहरूले पनि जोड दिँदै आएका छन् ।
गरिबीको रेखामुनि रहेका मानिसलाई रोजगारी उपलब्ध गराउन सरकार लाग्दा समस्या भएको कतिपयको बुझाई छ ।
नेपाल बाल संगठनले राष्ट्रिय बाल दिवसका अवसरमा प्रधानमन्त्री निवास, बालुवाटारमा कार्यक्रम राखेको थियो । उक्त कार्यक्रमलाई सम्बोधन गर्दै प्रधानमन्त्री ओलीले ‘बालबालिकामा लगानी ः सुनिश्चित भविष्यको थालनी’ नारालाई सार्थक बनाउनुपर्नेमा जोड दिए ।
बालबालिकाहरुले हप्की, दप्की, नियन्त्रण र बन्धनमा होइन उन्मुक्तिमा बाँच्न पाउनुपर्ने बताए ।
‘बाल्यकालदेखि नै बालबालिकाहरुले असुरक्षाबाट ग्रस्त हुने स्थिति हुनु हुँदैन । अहिलेको सरकार बालअधिकार सन्दर्भमा होसियार छ’ प्रधानमन्त्री ओलीले भनेका छन् ।
अघिल्लो पटक आफू प्रधानमन्त्री हुँदा बालबालिकाहरु अभिभावकबिहीन भएर कोही बालबालिका सडकमा रहन सन्दैन भनेर भनेको उनले स्मरण गरे ।
‘उनीहरुले आफ्नो नैसिर्गिक अधिकारलाई अनुहारमा मुस्कानसहित उपभोग गर्न पाउनुपर्छ । भविष्यका कर्णधार बालबालिकामाथि आर्थिक स्थिति कमजोर भए पनि सरकारले लगानी गर्छ । उनीहरुको हितमा सुधार ल्याउन ठोस कदम चाल्नैपर्छ’ प्रधानमन्त्री ओलीले भनेका छन् ।
प्रधानमन्त्री ओलीले बालबालिकाका लागि प्रतिकूल अवस्था हटाएर अनुकूल अवस्था सिर्जना गर्न बालमैत्री वातावरण बनाउन सरकार लागिपरेको हो’ ।
शनिवार बालबालिकामा लगानी, सुरक्षित भविष्यको थालनी भन्ने नाराका साथ ६० औँ राष्ट्रिय बाल दिवस देशव्यापी रुपमा मनाएको हो । यो नारालाई सार्थ बनाउने प्रतिवद्धता पनि प्रधानन्त्रीले जनाए ।
‘६० औँ बाल दिवस मनाइरहँदा बालबालिकाले पाउनुपर्ने बालअधिकार, माया, ममता, स्नेह, स्वास्थ्य, शिक्षा, मनोरञ्जन पाउन सकिरहेका छैनन्’ प्रधानमन्त्री ओलीले नै भनेका छन् ।
पोषणयुक्त खाना, न्यानो नाना, विद्यालय जाने र गुणस्तरीय शिक्षा पाउने अवसर, स्वस्थ्य रहन पाउने अधिकार उपलब्ध गराउनैपर्ने उनले बताए । बालविकास विभिन्न कार्यक्रम सञ्चालन भए पनि ती प्रभावकारी हुन सकेका छैनन् ।
गरिबीको रेखामुनि रहेका मानिसलाई रोजगारी उपलब्ध गराउन सरकार लागिपर्ने उनको भनाइ छ । प्रधानमन्त्रीका अनुसार तमाम् अभिभावकले बालबालिकालाई स्नेहपूर्वक रुपमा हुर्काउन, तिनको उपयुक्त बौद्धिक, मानसिक र शारीरिक विकास गर्नका लागि भूमिका खेल्नुपर्छ । उनी थप्छन्, ‘बालबालिकालाई सही आचारण सिकाउँदै जानुपर्छ । समृद्ध नेपाल, सुखी नेपालीको नारा पूरा गर्न बालबालिकामा लगानी गर्नुपर्छ, उनिहरुलाई भविष्यको योग्य नागरिक बनाउन सक्छौँ ।’
