सामाजिक सञ्जाल जनमतको प्रतिविम्व बनेको छ । यसमा दुईमत छैन । मनमा उब्जिएका भावना अनि देखेका दृष्यहरू हतारमा सामाजिक सञ्जालका भित्तामा राख्ने प्रचलन विश्वव्यापी बनिरहेको छ । हरेक देशको आफ्नै भाषा र लय छ । विधान र संस्कृति छ । तर, त्यस्ता कमै देश होलान् । जुन देशमा सामाजिक सञ्जाल नपुगेको होओस् । फरक सवै देशमा एउटै नेटकर्व नहुन सक्ला । त्यहाँको संस्कृति, विधान अनि चालचलन फरक होलान् । त्यसैअनुसार सामाजिक सञ्जालको विकास गरिएका होलान् ।
उत्तरी छिमेक चीनले पनि दुनियाँले चलाइरहेका सामाजिक सञ्जाल आधिकारिक र व्यापकतामा प्रयोग गरेका छैनन् । तर, चीनमा पनि आफ्नै सञ्जाल छ । जसरी मानिसहरु एकापसमा जोडिएका छन् । उनीहरु आफ्नै लय, समाज र संस्कृतिअनुसार सञ्चालित छन् । नेपालमा पनि खुल्ला समाज, विधिको शासन र गणतान्त्रिक व्यवस्थासँगै सामाजिक सञ्जालको विकास द्रूततर बनेको छ । फेसबुक, ट्वीटर, भाइबरजस्ता सञ्जालले नेपालीलाई अन्तरव्यक्ति सम्बन्ध निर्माण गरेको छ ।
२०६२-०६३ को जनआन्दोलन, मधेश विद्रोह र अन्य सामाजिक÷राजनीतिक आन्दोलनबाट स्थापित गणतन्त्र नेपालले सामाजिक सञ्जाललाई खुला गरिदिएको मात्रै छैन । राम्रोसँग विकासका आधारभूत आवश्यकताका भौतिक पूर्वाधार निर्माण भइनसकेका भू–भाग समेत सामाजिक सञ्जालको प्रभावबाट मुक्त छैन । यसर्थ, अहिले नेपाली समाजमा सामाजिक सञ्जालको स्वर्ण समय पनि भन्न सकिन्छ । सामाजिक सञ्जालले सूचना मात्रै होइन, आम सञ्चार माध्यमले तय गर्ने समाचारीय सामग्री पनि प्रशारित भइरहेको छ ।
यो एक हदसम्म सकारात्मक परिवर्तनका विषय भए । तर, उज्यालोले अध्याँरो पनि सँगै लिएर आउँछन् भनेजस्तै सामाजिक सञ्जालको विकाससँगै लिएर विकृत रुप पनि लिएर आएको छ । जस्तो कि अहिले कुन कुरा समाचार हो किन होइन अनि कुन मिडिया वा व्यक्तिगत बिचार खुट्याउन मुस्किल छ ।
सामाजिक सञ्जालले ल्याएको त्यही अन्योलमा यतिबेला नेपाली समाजका यावत विषय रणभूल्लमा परेका छन् । प्रहरीको अनुसन्धान, प्राज्ञिक लेखनदेखि आम मानिसको धारणा निर्माण समेत सामाजिक सञ्जालले नकारात्मक असर पारिरहेको छ । त्यसैको पछिल्लो दृष्टान्त हो, पत्रकार शालिकराम पुडासैनी आत्महत्या प्रकरणमा टेलिभिजन प्रस्तोता रवि लामिछानेलाई अनुसन्धानमा लिइदा देखिएका परिदृष्य । यसको अनि यसको सन्देश र नजीर हो, सामाजिक सञ्जाललाई नियमन गर्न ढिलो भइसक्यो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies