काठमाडौं : नेपालका चर्चित पौडी खेलाडी सैयद हम्जा शाहले अन्तर्राष्ट्रिय पौडी महासंघको आयोजनामा हंगेरीको बुडापेस्टमा संचालन भइरहेको ७ औं फिना विश्व जुनिअर पौडी पतियोगीतामा २ वटा नयाँ राष्ट्रिय किर्तिमान कायम गर्न सफल भएका छन् ।
किर्तिमान कायम गर्न सफल हम्जाले १०० मिटर बटर फ्लाईमा आनन्द लेप्चाले सन् १९८९ मा बनाएको १:०३:४३ मिनेटको राष्ट्रिय किर्तिमानलाई तोडेका छन् । उनले १:०१:२२ मिनेटमा लक्ष्य पार गर्दै आफ्नो नाममा सो कीर्तिमान राख्न सफल भएका हुन् । निकैनै प्रतिस्पर्धात्मक रहेको सो प्रतियोगितामा हम्जाले उत्कृष्ट प्रदर्शन गरेका थिए ।
उनले ५० मिटर बटरफ्लाई २७:५५ सेकेन्डमा पुरा गरी नयाँ राष्ट्रिय किर्तिमान कायम गरेका छन् । सानै देखि पौडीका शौखिन उनी कडा मेहनत र परिश्रमले मात्र सफलता हासिल गर्न सकिन्छ भन्नेमा विश्वास गर्छन् । नेपालको इज्जत राख्न सफल भएका उनी खेलको माध्यमद्वारा नेपाललाई चिनाउन पाएकोमा गर्व गर्छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies