काठमाडौं : नेपाली साझा मञ्च साउदी अरेबियाले नेपालमा पछिल्लो समय अविरल वर्षापछि आएको बाढी पहिरो र डुबानले पु¥याएको क्षतिप्रति दुःख व्यक्त गरेको छ । 

मञ्चका अध्यक्ष अन्जान गुभाजु र महासचिव राजु केसी एक अपिल जारी गर्दै भनेका छन्, ‘यस प्राकृतिक विपत्तिमा ज्यान गुमाउनेहरुप्रति श्रद्धाञ्जली अर्पण गर्दै, शोकसन्तप्त परिवारजनप्रति गहिरो समवेदना प्रकट गर्दछौं । साथै, घाइतेहरूको शीघ्र स्वास्थ्य लाभको कामना गर्दछौं ।’

वर्षाका कारण देशका प्रमुख सडकहरू, पुलहरु, र राजमार्गहरु बन्द हुँदा यातायातमा ठूलो अवरोध सिर्जना भएको भएको र भौतिक संरचनाहरूमा ठूलो क्षति पुगेको छ भने, प्रभावित नागरिकको निजी सम्पत्ति पनि ध्वस्त भएको छ । विशेषगरी, किसानहरूको तयारी बाली नष्ट हुनु अत्यन्त पीडादायी भएको छ । यस असामान्य वर्षा, बाढी, पहिरो र डुबानले सम्पूर्ण जनजीवन अस्तव्यस्त र त्रसित बनेको छ ।

यस संकटमा मञ्चले नेपाल सरकारको गम्भीर ध्यानाकर्षण गराउँदै, ज्यान गुमाएका व्यक्तिहरुका परिवारलाई उचित क्षतिपूर्ति उपलब्ध गराउन, संकटमा परेका नागरिकहरूको उद्धार र पुनःस्थापना गर्न, तथा घाइतेहरूको निःशुल्क उपचारको व्यवस्थाका लागि गर्न आग्रह गरेको छ ।  साथै, क्षतिग्रस्त भौतिक संरचनाको छिटो पुनःनिर्माणमा सरकारको प्रभावकारी पहल आवश्यक रहेको मञ्चले जनाएको छ । 

मञ्चले भनेको छ, ‘यो विपत्तिको घडीमा विदेशमा कार्यरत हामी सबैको भूमिका महत्वपूर्ण छ । यस कठिन समयमा हामी सरकार, स्थानीय समुदाय, र सम्पूर्ण नेपाली नागरिकको साथमा छौं । राहत, उद्धार, र पुनःस्थापनामा हातेमालो गर्न, देश र विदेशमा रहेका सबै नेपालीलाई सहकार्य र सहयोगका लागि अपिल गर्दछौं ।’