काठमाडौं : टोखामा २३औं हप्ताको विष्णुमती सफाइ अभियान सम्पन्न भएको छ । टोखा वडा नं. ३ को साङ्ले खोला क्षेत्रको करिडोर सडक र खोलाको सफाइ कार्यक्रम सम्पन्न भएको हो । कार्यक्रममा नगर प्रमुख प्रकाश अधिकारी, प्रमुख प्रशासकीय अधिकृत शेरबहादुर बिसी, वडा नंं. ३, ७, ८ र ११ का जनप्रतिनिधिहरुको सहभागिता रहेको थियो ।
कार्यक्रममा नगर प्रहरी, सशस्त्र प्रहरी, सामाजिक अभियन्ता, लायन्स क्लव अफ काठमाडौं शुभआरम्भ, कर्मचारी, स्वास्थ्यकर्मी, सरसफाइकर्मी र स्थानीयबासीको सक्रिय सहभागिता रहेको थियो ।
सरसफाइ कार्यक्रमपछि सबैलाई धन्यवाद दिँदै नगर प्रमुख प्रकाश अधिकारीले २५औं हप्ताको सफाइ अभियान भव्यतापूर्वक सम्पन्न गर्ने बताए । २५ औँ हप्ताको कार्यक्रममा निरन्तर सक्रियतापूर्वक सफाइ गर्ने अभियानकर्मीहरुलाई नगरपालिकाले सम्मान गर्ने पनि उनले बताए । त्यसपछिका कार्यक्रमहरु अझै बृहत् बनाएर लैजान वडा–वडामा सरसफाइ अभियान कमिटी गठन गरी अघि बढ्ने उनले बताए । अबको सफाइ कार्यक्रममा विद्यालय र संघ÷संस्था सबैलाई सहभागिता गराउने पनि उनको भनाइ छ ।
