रुकुम पश्चिम : रुकुम पश्चिमका ग्रामीण भेगमा सर्वसाधारण महँगो भाडा तिरेर यात्रा गर्न बाध्य छन् । दशैं र तिहारको बेलामा पनि जिप, बसलगायतका सवारीसाधनले आफू खुसीले भाडा उठाउने गरेका थिए ।
आफूले खलंगाबाट छिनखेत आएको ७ सय रुपैयाँ भाडा तिरेको एक स्थानीय बताउँछन् । जबकि उक्त सडक जम्मा १२ किलोमिटर रहेको छ । भाडा महँगो भए पनि मानिसहरू भनेकै भाडामा सवार गर्न बाध्य छन् । गाडीले आठबिसकोटबाट छिनखेतसम्मका लागि पनि ८ सय रुपैयाँ भाडा लिएको आठबिसकोटका एक स्थानीय बताउँछन् ।
जिल्ला प्रशासन कार्यालय र जिल्ला ट्राफिक प्रहरी कार्यालयले अनुगमन नगर्दा सवारीसाधनहरुले मनलाग्दी भाडा लिने गरेको स्थानीयहरुको गुनासो छ ।
