उदयपुर : आइतबार रातिदेखि स्थगित बेलका नगरपालिका-९ को मतगणना सुरु भएको छ । बदर मत बढी देखिएपछि मत गणना मध्यराति स्थगित भएको थियो । आइतबार राति ५ सय मत गन्दा ३ सय २० मत बदर भएपछि विवाद उत्पन्न भएर गणना स्थगित भएको हो। सर्वदलीय बैठकमा बदर मतको पुन:गणना गर्ने निर्णय भएपछि गणना सुरु गर्न दलहरु सहमत भएको जनाइएको छ ।
निर्वाचन अधिकृत मोहन गुप्ताले बदर मतको पुन:गणना गर्ने गरी सहमति जुटेसँगै सोमबार साँझ ५ बजेदेखि मत गणना सुरु भएको जानकारी दिए ।
बेलका-९ मा १ हजार ८ सय ८५ मत खसेको छ। । खसेको मत प्रतिशत ६०.१० हो । यहाँ कुल मतदाता संख्या ३ हजार १ सय ३६ रहेको थियो ।
बेलका-९ का वडाध्यक्ष पदम खड्काको सवारी दुर्घटनामा परी निधन भएपछि उपनिर्वाचन भएको हो । खड्का कांग्रेसबाट निर्वाचित भएका थिए ।
