काठमाडौं : लेग स्पिनर सन्दीप लामिछानेले टि ट्वान्टी अन्तर्राष्ट्रिय क्रिकेटमा एक सय विकेटको ऐतिहासिक सफलता प्राप्त गरेका छन । आज एसीसी इस्टर्न रिजन टि ट्वान्टी क्रिकेट प्रतियोगितामा सन्दीपले मलेसियासँग सुरुवाती विकेट लिँदै टि ट्वान्टी मा एक सय विकेट पुरा गरेका हुन् ।
सन्दीपले मलेसियाका ओपनर विरानदीप सिंहलाई पवन सर्राफको हातबाट क्याच गराउँदै टि ट्वान्टी अन्तर्राष्ट्रिय क्रिकेटमा सय विकेट लिने पहिलो नेपाली खेलाडी बनेका हुन । सन्दीपले यस सफलता ७५ खेलमा पुरा गरेका हुन् ।
सन्दीपले यस ऐतिहासिक उपलब्धी अन्तर्राष्ट्रिय फ्रेन्चाइज लिग र राष्ट्रिय टोलीबाट गरि हात पारेका हुन् । सन्दीपपछि वसन्त रेग्मीले ४० खेलमा ५३ विकेट लिएका छन् ।
क्रिकेटबाट सन्यास लिई सकेका शक्ति गौचनले ३१ टि ट्वान्टी खेलमा ३२ विकेट लिएका छन् । तीव्र गतिका बलर करण केसीले २७ टि ट्वान्टी खेलमा ३३ र सोमपाल कामीले ३३ खेलमा ३० विकेट लिएका छन् । अन्य खेलाडी धेरै पछि रहेका छन् । २०१८ मा लर्ड्समा विश्व–इलाभेनबाट वेस्टइन्डिज विरुद्ध टि ट्वान्टी आईमा डेब्यु गरेका थिए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies