काठमाडौं : धरानका प्रो निरज तामाङले कुलस्कोरको रेकर्ड बराबरी गर्दै सूर्य नेपाल गल्फ टुर २०२४–२५ अन्तर्गत तेस्रो प्रतियोगिता सूर्य नेपाल इस्टर्न ओपनको उपाधि जितेका छन् । उनले धरानकै प्रो शुक्रबहादुर राईको रेकर्ड बराबरी गर्ने क्रममा १७–अन्डर १९३ को स्कोरसहित करियरको दोस्रो उपाधि जिते ।
शुक्रबार ५–अन्डर ६५ को उत्कृष्ट स्कोरमा निरजले विष्णु प्रसादशर्मालाई १० स्ट्रोकको फराकिलो अन्तरमा हराए । उपाधिसँगै निरजले १ लाख ५० हाजर प्राप्त गरे । उनले यही प्रतियोगिताको पहिलो दिन शुक्रको नाममा रहेको ७–अन्डरको कोर्स रेकर्ड पनि तोडेका थिए ।
पार ७० को धरान गल्फ क्लबमा ७–अन्डर २०३ स्कोरसहित विष्णु दोस्रो भए । उनले शुक्रबार २–अन्डर ६८ को कार्ड बनाए र नगद १ लाख आफ्नो नाममा लेखाए । धरानका बलभद्र राई ३–अन्डर २०७ सहित तेस्रो हुँदै ७५ हजार जित्न सफल रहे । उनले शुक्रबार १–ओभर ७१ स्कोर निकाले ।
सात स्ट्रोकको अग्रतासहित अन्तिम १८ होलको खेलको सुरुवात गरेका निरजले एकपक्षीय शैलीमा उपाधि जिते । सानदार सुरुवात गरेका उनले फ्रन्ट नाइनमा ५–अन्डर ३१खेले । पहिलो देखि तेस्रो होलसम्म लगातार तीन बर्डी प्रहार गरेका निरजले बोगी फ्री फ्रन्ट नाइन खेल्ने क्रममा छैटौं रनवौं होलमा पनि एक–एक सट जोगाए ।
