काठमाडौँ : लुक्लाबाट काठमाडौँ आउँदै गरेको हेलिकप्टरमा चरा ठोक्किएपछि साँगामा आकस्मिक अवतरण गरिएको छ । हेली एभरेष्टको ९ एन-एकेजी हेलिकप्टरमा चरा ठोक्किएपछि आकस्मिक अवतरण गरिएको हो ।
हेलिकप्टरमा चरा ठोक्किएपछि पाइलटले थप जोखिम नलिई सुरक्षित स्थानमा अवतरण गराएको बताइएको छ । एयरक्राफ्टमा कुनै ड्यामेज नदेखिएपछि हेलिकप्टर पुनः उड्ने तयारी गरिरहेको जनाइएको छ ।
विमानस्थल स्रोतका अनुसार हेलिकप्टरमा चालकसहित ६ यात्रु सवार छन् ।
