पथरी : सनम धिमालको निर्णायक गोलको मद्दतले मिक्लाजुङ पालिकालाई १-० गोल अन्तरले पराजित गर्दै पथरी शनिश्चरे नगरपालिका लेटाङमा जारी प्रथम अन्तरपालिका नकआउट फुटबल प्रतियोगिताको सेमिफाइनलमा प्रवेश गरेको छ ।
सोमबार प्रस्तावित बुद्ध रंगशालामा सम्पन्न खेलमा सनमले दोस्रो हाफमा गोल गरे । खेलको ५६औं मिनेटमा मैदानको मध्य क्षेत्रबाट आएको पासलाई सनमले जाली चुमाए ।
खेलको म्यान अफ दि म्याच विजयी टिमका सञ्जय लिम्बू घोषित भए । मंगलबार लेटाङ नगरपालिका र केराबारी गाँउपालिकाबीच खेल हुने छ ।
उज्यालो जीवन प्रतिष्ठान र चिसाङ भ्याली क्लबले आयोजना गरेको प्रतियोगिताको विजेताले नगद १ लाख र ट्रफी प्राप्त गर्ने छ भने उपविजेताले ५० हजार नगद प्राप्त गर्ने छ ।
