काठमाडौ : नेपालले चार राष्ट्र सम्मिलित महिला फुटबल प्रतियोगिता आयोजना गर्ने भएको छ ।
अखिल नेपाल फुटबल संघ (एन्फा) का अनुसार आयोजक नेपालसहित कीर्गिस्तान, लेबनान र म्यानमारका महिला टोलीहरूले प्रतियोगितामा सहभागिता जनाउने छन् ।
प्रतियोगिता फेब्रुअरी १७ देखि २६ सम्म काठमाडौंमा हुनेछ ।
प्रतियोगितामा सहभागी टोलीहरू मध्ये म्यानमार (५५औं) फिफा वरीयतामा छ । नेपाल वरीयतामा १०३ मा छ भने कीर्गिस्तान १२८औं, लेबनान र १३४औं स्थानमा छन् ।
नेपालले २०२४ डब्लूएएएफ महिला च्याम्पियनसीपमा लेबनानलाई २–१ ले पराजित गरेको थियो । त्यस्तै, नेपालले म्यानमारसँग चार पटक प्रतिस्पर्धा गरेकोमा एक खेल बराबरी र तीन खेलमा हार व्यहोरेको छ । त्यस्तै, नेपालले २०१९ को नाज्दा कपमा कीर्गिस्तानलाई ८–२ को फराकिलो अन्तरले पराजित गरेको थियो ।
