काठमाडौं : काठमाडौंको भृकृटीमण्डपमा माघ ४ गतेदेखि नेपाल उड, फर्निचर तथा होम टेक्सटायल इन्टरनेशनल एक्स्पो हुने भएको छ । मिडिया स्पेस सोलुसन्स, फ्युचरेक्स ट्रेड फेयर एण्ड ईभेन्टस् र एक्जिबिसन एन्ड ट्रेड सर्भिसेस इन्डियाले संयुक्तरूपमा माघ ४ देखि ६ गतेसम्म एक्स्पो हुने भएको हो ।
एक्स्पोमा फर्निचर, प्लाइवुड, ल्यामिनेट, होम टेक्सटायल, हार्डवेयर, काष्ठ सम्बन्धी मेसिनरी तथा औजार, फर्निसिङ, म्याट्रेस, कच्चापदार्थ तथा उत्पादनहरू सम्बन्धी बृहत अन्तर्राष्ट्रिय प्रदर्शनीे हुनेछन् । दशौँ संस्करणको नेपाल उड इन्टरनेशनल, पाँचौँ इन्टरनेशनल फर्निचर एक्स्पो तथा नेपाल होम टेक्सटायल र होम डिकोर इन्टरनेशनल एक्स्पो एकै साथ हुन लागेको हो ।
एक्स्पोमा स्वदेशी तथा बिदेशी ब्राण्डका १०० भन्दा बढी स्टल रहने छन् । फर्निचर, प्लाइउड तथा काठ औजारका कम्पनी, ल्यामिनेट, विभिन्न कम्पनीको सामान, सब डिलर र बिक्रेताहरू, काठ व्यवसायसँग सम्बन्धित उत्पादनहरुको बारेमा जानकारी गराउने र यस क्षेत्रमा आउने नयाँ–नयाँ प्रविधिको बारेमा जानकारी गराउनका लागि एक्स्पो आयोजना गरिएको आयोजकले जनाएको छ ।
