यूएई : एक्रोबेटिका स्पाइडर एक्सेस ७-असाइड ओपन फुटबल प्रतियोगिताको उपाधि न्यूजब्वाइजले जितेको छ । नवा बुद्ध एफसीको आयोजनामा ग्रीनफिल्ड इन्टरनेशनल, दुबई इनभेस्टमेन्ट पार्कमा सम्पन्न एक्रोबेटिका स्पाइडर एक्सेस ७-असाइड ओपन फुटबल प्रतियोगिताको फाइनलमा सुनसरी एफसीलाई पेनाल्टी सुटआउटमा पराजित गर्दै न्यूजब्वाइजले उपाधि जितेको हो ।
निकै प्रतिस्पर्धात्मक फाइनल खेलमा न्यूजब्वाइजले प्रारम्भिक अग्रता लिएको भए पनि सुनसरी एफसीले खेलको अतिरिक्त समयको अन्तिम क्षणमा गोल गर्दै खेललाई रोमाञ्चक बनाएको थियो । अन्ततः न्यूजब्वाइजले उत्कृष्ट प्रदर्शन गर्दै पेनाल्टी सुटआउटमा जित दर्ता गर्यो ।
व्यक्तिगत पुरस्कारमा न्यूजब्वाइजको दबदबा
-उत्कृष्ट गोलरक्षक: सञ्जीप गुरुङ (न्यूजब्वाइज एफसी)
-उत्कृष्ट रक्षक: राकेश हमाल (न्यूजब्वाइज एफसी)
-उत्कृष्ट म्यानेजर: जितेन्द्र कार्की (न्यूजब्वाइज एफसी)
-उत्कृष्ट प्रशिक्षक: दुर्गा ढकाल (न्यूजब्वाइज एफसी)
विशेष पुरस्कारहरू
-सर्वश्रेष्ठ खेलाडी (मोस्ट भ्यालुएबल प्लेयर): अमित तामाङ (सुनसरी एफसी)
-उच्च गोलकर्ता: फिन्जो आले मगर (लमजुङ एफसी)
फाइनल तथा उद्घाटन समारोह क्लब अध्यक्ष राहुल श्रेष्ठ, संरक्षक नारायण दाहाल र एक्रोबेटिका सीईओ माजन हराकेले संयुक्त रूपमा सञ्चालन गरेका थिए । यस्तै सो अवसरमा धन्यवाद मन्तव्य लमजुङ एफसीका मुक्ति गुरुङ, न्यूजब्वाइजका चक्र तिमिल्सिना, लिंक इन्टरनेशनलका दुर्गा ढकाल, र सुनसरी एफसीका सुमन भण्डारीले व्यक्त गरेका थिए ।
प्रतियोगिताको प्रायोजकमा एक्रोबेटिका स्पाइडर एक्सेस कम्पनी, एनबिल्ड एफजेड, लिंक इन्टरनेशनल, शाइन स्पार्क गोल्ड एण्ड डायमण्ड, ग्रीन स्काई ट्राभल र याक एण्ड यति रेस्टुरेन्ट अलक्वज रहेका थिए ।
दर्शकहरूलाई डाबरको तर्फबाट विशेष उपहारहरू वितरण गरिएको थियो । प्रतियोगिता नेपाली रेफ्री कमिटीको कुमारको नेतृत्वमा सञ्चालन गरिएको थियो ।
