.jpg)
–शैलेन्द्र थापा
पुर्खाको त्यो वीँडो थाम्ने मान्छे भेटिन
सामु पर्दा दुश्मन काम्ने मान्छे भेटिन ।।
अचम्म छ फटाहा को रजाइँ देशमा
उसैलाई सकोस् डाम्ने मान्छे भेटिन ।।
साम्राज्यका मालिक बरै भागे डरले
भागोस् दास परे साम्ने मान्छे भेटिन ।।
चिनेको छ ढुकुटी त्यो लुट्ने लुटेरा
झारी तल हड्डी छाम्ने मान्छे भेटिन ।।
जति भयो नोक्सानीको अब रोकेरै
गर्नसक्ने भर्पाइ खाम्ने मान्छे भेटिन ।।
