श्याम कुशवाहा/मध्यान्ह
वीरगञ्ज : पर्सा प्रहरीले वीरगञ्जको छपकैया नाकाबाट गए राति तस्करी भइरहेको अवस्थामा ३ क्वीन्टल केराउ मटर नियन्त्रणमा लिएको छ । यस मध्यान्ह राष्ट्रिय दैनिकको अनलाइन संस्करणको हिजो आइतबार वीरगञ्जको छपकैया नाकाबाट दैनिक हजारौ क्वीन्टल केराउ मटर तस्करी भएर भारततर्फ गइरहेको संबन्धि समाचार प्रकाशन भएको थियो ।
समाचार प्रकाशमा आएपछि जिल्ला प्रहरी कार्यालय पर्साबाट खटिएको प्रहरी टोलीले हिजै राति १० बजेको समयमा छपकैया नाकाबाट तस्करी भइरहेको अवस्थामा १० वटा बोरामा रहेको करिब ३ क्वीन्टल केराउ मटर नियन्त्रणमा लिएको छ । साइकल र मोटरसाईकलमा राखेर भारततर्फ लगिरहेकै अवस्थामा जिल्लाबाट खटिएको प्रहरी टोली पुगेपछि तस्करहरु केराउ मटर फालेर भागेका थिए ।
बरामद गरिएको केराउ मटर प्रहरीले जिल्ला प्रहरी कार्यालय पर्सामा ल्याएर राखेको छ । यस घटनाले स्थानीय सीमा प्रहरी चौकी छपकैया र सशस्त्र प्रहरी बिओपी सिर्सियाकै मिलोमतोमा छपकैया नाकाबाट केराउ मटरको खुलेआम तस्करी भइरहेको पुष्टि भएको छ ।
नेपाल प्रहरी तथा सशस्त्र प्रहरीका केहि भ्रष्टहरुको सहयोगमा छपकैया नाकाबाट केराउ मटर तथा कपडाको व्यापकरुपमा तस्करी मौलाएको यस घटनाले पुष्टि गरेपनि यसमा संलग्न प्रहरी अधिकारीलाई कस्तो कार्यवाही हुनेछ त्यो भने हेर्न बाकी छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies