काठमाडौँ : अन्तरिक्षमा ९ महिना बिताएपछि अन्तरिक्ष यात्री सुनिता विलियम्स र बुच विल्मोर नेपाली समयानुसार बुधबार बिहान ३ बजेर ३९ मिनेट जाँदा पृथ्वीमा आइपुगेका छन् ।
उनीहरूसँगै क्रु-९ का दुई थप अन्तरिक्ष यात्री निक हेग र अलेक्ज्याण्डर गोर्बुनोभ पनि पृथ्वीमा फर्किएका हुन् ।
विल्मोर र सुनिताले अन्तरिक्षमा प्रक्षेपण गर्दा अपेक्षा गरिएको भन्दा २७८ दिन बढी अर्थात् २८६ दिन बिताए । उनीहरूले पृथ्वीलाई ४ हजार ५७६ पटक परिक्रमा गरेको समाचारमा उल्लेख छ । ड्र्यागन क्याप्सुल छुट्टिएर समुन्द्रमा अवतरण गर्न करिब १७ घण्टा लागेको समाचारमा उल्लेख छ ।
