काठमाडौं : एनएसजेएफ पल्सर स्पोर्टस अवार्ड २०७६ को विभिन्न चार विधाको मनोनयन सार्वजनिक गरिएको छ । १३ औं सागमा चार स्वर्ण जितेकी गौरिका सिंह सहित दोहोरो स्वर्ण विजेता तेक्वान्दोकी आयशा शाक्य, ऐथलेटिक्सकी ऐतिहासिक स्वर्ण विजेता सन्तोषी श्रेष्ठ, साग स्वर्ण विजेता ट्रायथलनकी सोनी गुरूङ र करातेकी अनु अधिकारी वर्षको उत्कृष्ट महिला खेलाडीको मनोनयनमा परेका छन् ।
गौरिकाले सनसनीपुर्ण प्रदर्शनकासाथ ऐतिहासिक चार स्वर्णको सफलता प्राप्त गरेकी थिइन् । सागमा पौडीमा व्यक्तिगततर्फ स्वर्ण जित्ने उनी पहिलो खेलाडी हुन् । उनी एउटै सागमा सर्वाधिक चार स्वर्ण जित्ने नेपालकी एक्ली खेलाडी पनि हुन् ।
आयशा शाक्यले भने तेक्वान्दोको पुम्सेतर्फ व्यक्तिगत र टिमतर्फ स्वर्ण जितेकी थिइन् । सन्तोषी, अनु र सोनीले भने सागमा स्वर्ण जितेका थिए । यो विधामा गौरिकाको सम्भावना अत्याधिक रहेको छ ।
वर्ष पुरूष खेलाडीको मनोनयनमा सागका दोहोरो स्वर्ण विजेता मन्डेकाजी श्रेष्ठ र सुवास तामाङसहित साग स्वर्ण विजेता फुटबलका विकेश कुथु, ऐथलेटिक्सका गोपिचन्द पार्की र तेक्वान्दोका कमल श्रेष्ठ मनोनयनमा परेका छन् । मन्डेले करातेको व्यक्तिगत र टिमतर्फ स्वर्ण जितेका थिए । सुवासले पनि व्यक्तिगत र टिमतर्फ स्वर्ण जितेका थिए ।
यसैगरी बिकेश, गोपी र कमलले पनि सागमा उत्कृष्ट प्रदर्शन सहित स्वर्ण जितेका थिए । यो विधामा मन्डे र सुवासबीच कडा प्रतिस्पर्धा हुने देखिएको छ ।
युवा खेलाडीमा गल्फका सुवास तामाङ, भारतोलनकी सन्जु चौधरी, तेक्वान्दोका भुोेन श्रेष्ठ र सिना लिम्बु तथा जुडोकी पुनम श्रेष्ठ मनोनयनमा परेका छन् ।
उत्कृष्ट प्रशिक्षकमा तेक्वान्दोका नविन श्रेष्ठ,करातेका मदन उप्रेती,उसुका अमर कुमार थिङ, पौडीका शंकर कार्की र बक्सिङका प्रकाश थापा मगर मनोनयनमा परेका छन् ।
यसअघि मन्चले पिपल्स च्वाइस अवार्डको मनोनयनको घोषणा गरिसकेको थियो । चार स्वर्ण विजेता गौरिका सिंह, दोहोरो स्वर्ण विजेता मन्डेकाजी श्रेष्ठ र सुबास तमाङ भने दुई दुई विधामा मनोनयनमा परेका छन् ।
छनोट समितिका संयोजक गोविन्द रेग्मीसहित ११ सदस्यीय समितिले वर्ष २०७६ मा गरेको प्रदर्शनको आधारमा मनोनयन सार्वजनिक गरेको हो । यसैगरी लाइफ टाइम अचिभमेन्ट अवार्ड,पारा एथलिट सम्मान,स्पेसल अवार्ड र एसियन जर्नलिस्टको अवार्ड भने कार्यक्रमको दिन घोषणा गरिनेछ ।
पुस २८ गते हुने अवार्डको उत्कृष्ट पुरूष,महिला र पिपल्स चवाइसको विजेताले पल्सर मोटरसाइकल प्राप्त गर्नेछन् भने अन्य विधाका विजेताहरुले ५०/५० हजार प्राप्त गर्नेछन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies