बिकाश काफ्ले/मध्यान्ह
पाल्पा : पाल्पाली युवा सर्जक तथा गायक सुमन गैरेको आवाजमा नयाँ रोइला (ख्याली) ‘बैमानीको खलक’ गीत बजारमा आएको छ । बैमानीको खलक गीतमा गैरेलाई पाल्पाली नव गायिका सीमा विश्वकर्माले साथ दिएकी छन् ।
गीतको भिडियोमा अर्जुन न्यौपाने, शिखा विश्वकर्मा लगायतको अभिनय देख्न सकिन्छ । गोकुल सारुको कोरियोग्राफी, पुरुषोत्तम गैरेको निर्देशन रहेको भिडियोलाई सन्तोष बस्यालले छायांकन गरेका छन् ।
गायक सुमन गैरेका यसअघि थुप्रै लोकप्रिय गीतहरु बजारमा आइसकेका छन् । लामो समयपछि गायक गैरेले पाल्पामा मौलिक कला र संस्कृतीको रुपमा लिइने रोइला गीत दर्शक स्रोतामाझ लिएर आएको र उक्त गीतले नेपालीहरुको मन जित्न सक्ने गैरेले मध्याहसँगको कुराकानीमा बताए । गीतको भिडियो पुर्षोतम गैरे युट्युबमार्फत बजारमा ल्याइएको छ ।
