मलेसियाः पलेशा गोवर्धनले पारा तेक्वान्दो च्याम्पियनसिपमा कास्य पदक प्राप्त गरेकी छन् । मलेसियाको कुचिङ शहरमा सम्पन्न १०औं एसियाली पारा तेक्वान्दो च्याम्पियनसिपमा नेपालकी पारा तेक्वान्दो खेलाडी गोवर्धनले महिला ५७ केजी तौल समूह अन्तर्गत के–४४ वर्गमा कास्य पदक जितेकी हुन् ।
पलेशासँगै नेपालबाट भरत सिंह महता, अमीर भ्लोन, रेनु तामाङ र कामना प्रसाईं लगायतका खेलाडीहरूले पनि प्रतियोगितामा सहभागिता जनाएका थिए।
प्रतियोगितामा नेपालको टोलीलाई राष्ट्रिय खेलकुद परिषद्का बोर्ड सदस्य तथा नेपाल तेक्वान्दो संघका सदस्य रामचन्द्र श्रेष्ठको नेतृत्वमा व्यवस्थापन गरिएको थियो। प्रशिक्षणको जिम्मेवारी पारा तेक्वान्दो प्रशिक्षक कविराज नेगी लामाले सम्हालेका थिए ।
.jpg)
.jpg)
