
काठमाडौं : नेकपा एमाले उद्योग व्यवसाय विशेष जिल्ला कमिटीबाट नेपाल वैदेशिक राेजगार व्यवसायी संघका पूर्वअध्यक्ष राजेन्द्र भण्डारी महाधिवेशन प्रतिनिधिमा निर्वाचित भएका छन् ।
शनिबार भएकाे प्रतिनिधि छनोटमा भण्डारीसहित यमप्रसाद तिवारी, मदन भण्डारी र मनिषा सुब्बा नाल्बु विजयी भए ।
२९७ मत खसेकोमा भण्डारीले १०३, तिवारीले ९०, मदन भण्डारीले ९१ र नाल्बुले १७९ मत पाए ।
महाधिवेशन प्रतिनिधिका लागि वैदेशिक राेजगार व्यवसायी प्रगतिशील मञ्च नेपालका काेषाध्यक्ष शितल मैनाली, भिष्मराज शर्मा शिवाकोटी पनि उम्मेदवार रहेका थिए ।