काठमाडौं : नेपाल राष्ट्र बैंकले वैदेशिक रोजगारीमा जान श्रम स्वीकृति लिएका व्यक्तिलाई बैंक खातामा विप्रेषण पठाउने सुनिश्चितताका आधारमा बिना धितो ऋण उपलब्ध गराउने व्यवस्था गरिने बताएको छ ।
नेपाल सरकारको आर्थिक वर्ष २०८१/०८२ को बजेट वक्तव्यमा उल्लेख भएअनुसार राष्ट्र बैंकले शुक्रबार सार्वजनिक गरेको आर्थिक वर्ष २०८१/०८२ को मौद्रिक नीतिमा उक्त विषय समेटिएको छ । गभर्नर महाप्रसाद अधिकारीले आर्थिक वर्ष २०८१/०८२ को बजेट वक्तव्यमा उल्लेख भएअनुसार राष्ट्र बैंकले सो व्यवस्था गरेको जानकारी दिए ।
यसले वैदेशिक रोजगारीमा जान श्रम स्वीकृति लिएका व्यक्तिलाई सस्तो दरमा कर्जा प्राप्त हुने र औपचारिक प्रणालीबाट पैसा आइ हालको रेमिट्यान्स थप बढ्न जाने अपेक्षा गरिएको छ ।
.jpg)
