सतीश पण्डित, तनहुँ
१.
चप्पल पड्काइ हिँड्ने नेता थिए
हेर्नुहोस् त जनतालाई के पो दिए ?
आलोपालो गरि सत्तामा ती पुगी
देशको ढुकुटी नै रित्याइ दिए ।
२.
भर्खरै फेरिएको नयाँ साल छ
नेताभन्दा जनताको बेहाल छ
चुनावमा कस्ता नेता उठ्ने हुन् ?
हेरि छान्ने जन्ताको नै सबाल छ ।
३.
हात जोड्दै जन्ता सामू आउलान् कि ?
भोटसँगै जन्तालाई मासु भात रक्सी खुवाउलान् कि ?
नुनको सोझो गरि आफ्नो भोट त हाल्नै प¥यो के रे !
जब भोट हालेर सकिन्छ तब लात हानेर पठाउलान् कि ?
४.
हाम्रा नेताले जानेका रहेछन् अनेक बात हजुर !
बात मात्र हैन हान्न जानेका रहेछन् लात हजुर !
भित्र एक बाहिर अनेक कुरा गर्ने हाम्रा नेताले
देश र जनतामाथि गर्न जानेका रहेछन् घात हजुर !
५ .
चौबीस लाख खोप हरायो भन्छन्
यस्तो अवस्था कसले गरायो भन्छन्
भनेको सुन्दाखेरि पनि अचम्म लाग्ने
कसरी हरायो भनी मिडिया करायो भन्छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies