बर्दिया : बर्दिया बबई सिँचाइ आयोजनाको नहरमा डुबेर एक बालकको ज्यान गएको छ । बारबर्दिया नगरपालिका ८ भगतपुर बस्ने १६ वर्षीय बालक साहिल वि.क.को नहरमा डुबेर ज्यान गएको हो ।
सोमबार बेलुकी साथीहरूसँग नहरमा नुहाउन गएका सहिल बेलुका ६ बजे बेपत्ता भएका थिए । सशस्त्र प्रहरी बल नेपाल सुरक्षा वेस कतर्नियाको गोताखोर टोलीले राति करिब ११ बजे उनको शव फेला पारेको प्रहरीले जनाएको छ ।
मृतक बालकको शव पोस्टमार्टमका लागि बर्दिया अस्पताल गुलरिया पुर्याइएको छ । मृतक बालक बारबर्दिया ८ औरिमा रहेको उनको मामा घरको ६० वर्षीया हजुरआमासँग बस्दै आएका थिए ।
.jpg)
