दुबई : सन २०१४ मा स्थापना भएको पाल्पालीहरूको साझा संस्था पाल्पाली समाज यूएई ले आयोजना गर्न लागेको प्रथम पाल्पाली भलिबल कप–२०२६ को टाइसिट सार्वजनिक गरिएको छ ।
प्रतियोगिताको उद्घाटन खेल आइतबार बिहान ९:३० बजे कास्की आदर्श समाज र रूपन्देही बुटवल भलिबल टिम बीच हुने भएको छ ।
प्रतियोगितामा कुल १५ वटा टिम सहभागी हुने प्रतियोगिता संयोजक कृष्णप्रसाद तिमल्सिनाले जानकारी दिएका छन् । प्रतियोगिता आइतबार बिहान ९ बजेदेखि दुबईस्थित अल खवानिज–२ मा रहेको स्पार्ट स्पोर्ट्स एकेडेमीमा सञ्चालन हुनेछ ।
खेलकुदमार्फत आपसी एकता, ऊर्जा र सामाजिक सद्भावलाई थप सुदृढ बनाउने उद्देश्यसहित पाल्पाली समाज यूएईले दुबईमा पहिलोपटक प्रथम पाल्पाली भलिबल कप–२०२६ आयोजना गर्न लागेको हो ।
टाइसिट सार्वजनिक कार्यक्रममा पाल्पाली समाज यूएईका संरक्षक खुमबहादुर आले र वेदप्रसाद अर्याल, व्यवसायी तथा समाजसेवी एकेन्द्रबहादुर थापा, साथै प्रतियोगितामा सहभागी विभिन्न टिमका प्रतिनिधि तथा खेलाडीहरूको उपस्थिति रहेको थियो ।
.jpg)
.jpg)
