२०८३ मंसिर ३ गते बिहिवार / Nov 19 , 2026 , Thursday
२०८३ मंसिर ३ गते बिहिवार

‘निष्ठालाई पुँजी मानेको भए म पनि कांग्रेस हुन्थेँ’

अर्को पार्टीको चुनाव चिन्हमा भोट हाल्ने उर्दी नदिएको भए मै पनि कांग्रेस हुन्थेँ होला : रवि लामिछाने

Nada
२०८३ असोज १८ गते १७:४९
Shares
‘निष्ठालाई पुँजी मानेको भए म पनि कांग्रेस हुन्थेँ’

काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेले नेपाली कांग्रेसको राजनीतिक इतिहास र वर्तमान अभ्यासलाई जोडेर व्यंग्य गरेका छन्।

कांग्रेसको १५औँ महाधिवेशन उद्घाटन समारोहमा बोल्दै लामिछानेले कांग्रेसको सबैभन्दा ठूलो सामर्थ्य र कमजोरी दुवै उसको इतिहास भएको टिप्पणी गरे। कांग्रेसले निष्ठालाई राजनीतिक पुँजीका रूपमा प्राथमिकता दिएको भए आफू पनि कांग्रेसमा हुनसक्ने भन्दै उनले पार्टीको राजनीतिक अभ्यासप्रति व्यंग्य गरे।

'निष्ठालाई पुँजी मानेको भए, भौतिक पुँजीलाई मानक नमानेको म पनि कांग्रेस हुन्थेँ होला । पिछडिएको मानिसलाई समानुपातिक भनिरहँदा अवसर पाएकोलाई प्राथमिकता नदिएको भए मै पनि कांग्रेस हुन्थेँ होला । अरूको चुनाव चिन्हमा भोट हाल भनेर उर्दी जारी नगरेको भए म पनि कांग्रेस हुन्थेँ होला,' उनले भने ।

लामिछानेले कांग्रेसको लामो राजनीतिक यात्रालाई उसको पहिचानको महत्वपूर्ण आधारका रूपमा चित्रण गरे। तर, त्यही इतिहास पार्टीका लागि चुनौतीको कारणसमेत बन्न सक्ने उनको संकेत थियो।

उनको भनाइ कांग्रेसले विगतको राजनीतिक विरासतसँगै वर्तमानका राजनीतिक अभ्यास र निर्णयलाई पनि पुनरावलोकन गर्नुपर्ने सन्देशका रूपमा आएको छ।

laxmi recruitement

ताजा खबर

सम्बन्धित खबर