अर्घाखाँची : सडक डिभिजन कार्यालय प्युठानका डिभिजन प्रमुख बिसुनदास लामाले सडक अनुगमनलाई तीव्र पार्ने बताएका छन् । सडक डिभिजन कार्यालय रुपन्देहीबाट सरुवा भइ प्युठानमा हाजिर हुन पुगेका डिभिजन प्रमुख लामाले कर्मचारीहरुले गरेको स्वागत कार्यक्रममा बोल्दै लामाले कुनै ठाउँमा जनताले गुनासो नगर्ने गरी काम गर्न अनुरोध गरे ।
उनले हरेक क्षेत्रमा रहेका सडकहरुको स्तरोन्नत्तिका लागि आफुले अनुगमन गरेर पहल गर्ने र सडकमा रहेका सबै योजनाको पहिला स्थलगत अनुगमन गर्ने बताए ।
डिभिजन प्रमुख लामाले कार्यालयको दैनिक प्रशासनलाई चुस्त दुरुस्त बनाउन कर्मचारीलाई निर्देशन दिँदै सेवाग्राहीको काममा कर्मचारीले ढिलासुस्ती गरेको समय अनुसार सम्बन्धित कर्मचारीसँग क्षतिपूर्ति भराउने बताए ।
लामाले सडकका कर्मचारीहरुको धेरै गुनासो आउने गरेको र अब गुनासो नआउने गरी काम गर्न आग्रह गरे ।
ग्रामीण क्षेत्रका सेवाग्राहीहरूबाट समय–समयमा विभिन्न प्रकृतिका जनगुनासाहरू आउने गरेका कारण ग्रामीण क्षेत्रमा रहेका सडकहरुको पहिला आफु फिल्डमा पुगेर अनुगमन गरेपछि मात्रै अगाडि बढ्ने लामाले दाबी गरे ।
