अर्घाखाँची : नेपाली कांग्रेस लुम्बिनी प्रदेश सभा संसदीय दलको प्रमुख सचेतकमा रुपन्देहीकी समानुपातिक सांसद जमुना ढकाल नियुक्त भएकी छन् । दलका नेता एवम् पूर्वमुख्यमन्त्री डिल्लीबहादुर चौधरीले बुधबार प्रमुख सचेतकमा ढकाललाई नियुक्त गरेका हुन् ।
यसअघि प्रमुख सचेतकमा रहेका जन्मजय तिमिल्सिनाले साउन २१ गते राजीनामा दिएपछि रित्त पदमा ढकाललाई नियुक्त गरिएको हो । गत भदौ ३१ गते दल सचेतक निमा गिरीले पनि राजीनामा दिएकी थिइन् । खाली रहेको सचेतक पदमा पनि दशैंलगत्तै नियुक्त गरिने दलका नेता चौधरीले बताए ।
.jpg)
