बर्दिया : ‘बालविवाह गर्दैनौ र हुन पनि दिँदैनौ’भन्ने प्रतिबद्धताका साथ गेरुवा गाउँपालिकामा बाल भेला सम्पन्न भएको छ । 

प्लान नेपालद्वारा सञ्चालित बालविवाह न्यूनीकरण परियोजना अन्तर्गत गेरुवा गाउँपालिकाको समन्वय तथा भेरी वातावरणीय विशिष्टता समुह (बि ग्रुप) बाँकेको आयोजनामा बाल भेला आयोजना गरिएको हो । 

बालविवाह न्यूनीकरण गर्न सरोकारवाला र बालबालिकाहरू स्वयम्को भूमिका, कानूनी प्रावधान बालबालिकाले भोग्ने समस्याहरू र समाधानका उपायका बारेमा जानकारी दिने उद्देश्यले भेलाको आयोजना गरिएको बि ग्रुप बाँकेका प्राविधिक संयोजक जयलाल वि.क.ले बताए । 

गेरुवा गाउँपालिकाका अध्यक्ष जमान सिंह के.सी.ले उद्घाटन गरेको भेलामा सहभागी बालबालिकाहरूले बालविवाह अन्त्य कसरी गर्न सकिन्छ ? त्यसमा बालबालिकाको जिम्मेवारी के रहन्छ ? र सरोकारवालाको भूमिका के हुन्छ ? भन्ने विषयमा समूहगत रुपमा चित्रमार्फत प्रस्तुत गरेका थिए । 

भेलाको सहजीकरण प्रकाश उपाध्यायले गरेका थिए । भेलामा परियोजनाले समेटेका विद्यालयबाट प्रतिनिधित्व गर्दे ५० जना बालबालिकाहरू सहभागी थिए ।