कालीकोट : कालीकोटका ९ वटै स्थानीय तहमा ९ हजार ३ सय ६१ जनाले कोभिड–१९ विरुद्धको फाइजर खोप लगाएका छन् । मंगलबार र बुधबार जिल्लाभरिका खोप केन्द्र रहेका अस्पतालहरूमा कोभिड–१९ विरुद्धको फाइजर खोप अभियान शुरु गरेसँगै जिल्लाभर ९ हजार ३ सय ६१ जनाले खोप लगाएका हुन् ।
खोप अभियानको पहिलो दिन खाँडाचक्र नगरपालिकामा १४ सय ५६ जना, पलाता गाउँपालिकामा १ हजार २ जना, नरहरीनाथ गाउँपालिकामा १३ सय ७१ जना, महावै गाउँपालिकामा ५ सय २८ जना, तिलागुफा नगरपालिकामा १ हजार २ जना, पचालझरना गाउँपालिकामा १ हजार २ जना, शुभकालीका गाउँपालिकामा १ हजार जना शान्नीत्रिवेणी गाउँपालिकामा १ हजार २ जना र रास्कोट नगरपालिकामा ९ सय ९८ जना गरी जम्मा ९ हजार ३ सय ६१ जनाले खोप लगाएका स्वास्थ्य सेवा कार्यालय कालिकोटका जनस्वास्थ्य अधिकृत कटक महतले बताए ।
